ازيك
يا بلدى عامله ايه , ازيك يا حبيبتى انا مش عارف اشتكيلك ولا اشتكى منك
اشتكيلك من الغربه اللى جواكى ولا من الغربه اللى براكى اقولك ايه بس يا
بلدى وانتى احب حاجه ليا اقولك ايه يا حبيبتى اقولك شايفه ولادك هانوا على
ولادك اللى جواكى فهانوا على كل الدنيا اقولك ايه بس يا بلدى اقولك بحبك
اقولك بحب ناسك اقولك مشتاقلهم ولا اقولك بقيت بخاف منهم عارفه يا بلدى
بعيد عنك انا من عام ورا عام وبحنلك كل يوم اكتر من التانى بس يا بلدى كل
يوم اصحى على اخبار تقلقنى عليكى وعلى حبايبى اللى جواكى وبراكى ,,,صحيت فى
يوم يا مصر لقيت شوية همج بيمنعوا الميه واحنا اللى علمناهم يعنى ايه ميه
يعنى ايه يزرعوا يعنى ايه يقلعوا عاوزين يستقلوا عنك يا حبيبتى وانتى اللى
على ايد ناصر علمتيهم يعنى ايه استقلال ,وفى يوم تانى يا بلدى صحيت على
شوية همج بيقتلوا ابنك صحيح ابنك غلط بس اللى حصل يا حبيبتى كتير علينا
كتير اوى من ناس احنا برضوا اللى علمناهم وعملناهم ناس احنا الى وقفنا
جنبهم فى كل حرب ودرب
عارفه يا بلدى لو مكانش ولادك هانوا على ولادك كان زمانك ليكى فى كل دولة
مقام , مقامك يا بلدى لازم يرجع ويفضل عالى ما انتى عارفه يا حبيبتى ان
مقامنا من مقامك و امتى اشوفك يا حبيبتى منوره والدنيا من حواليكى ضلمه زى
صورتك اللى هنا
مستنى ردك يا بلدى , ومحدش يقولى مش هترد
موضوع: عاجبك يا مصر اللى بيحصل لنا !!!!!!!!!!!!! 
